ഓരോ കഥാപാത്രങ്ങൾ കൊണ്ടും പ്രേക്ഷകരെ അത്ഭുതപ്പെടുത്തിക്കൊണ്ടിരിക്കുകയാണ് സുരാജ് വെഞ്ഞാറമൂട് എന്ന നടൻ. അവസാനം പുറത്തിറങ്ങിയ മൂന്ന് ചിത്രങ്ങളിലും ഒന്നിനൊന്ന് വ്യത്യസ്തമായ കഥാപാത്രങ്ങളെ അവതരിപ്പിച്ചതിലൂടെ പ്രേക്ഷകരെ പൂർണമായും അതിശയിപ്പിച്ചിരിക്കുകയാണ് അദ്ദേഹം. ഫൈനൽസിലെ അച്ഛൻ കഥാപാത്രം, വികൃതിയിലെ ബധിരനും ഊമയുമായ കഥാപാത്രം, അതിനെല്ലാം പുറമേ ആൻഡ്രോയ്ഡ് കുഞ്ഞപ്പനിലെ വൃദ്ധവേഷം എന്നിങ്ങനെ ഓരോ റോൾ കൊണ്ടും പ്രേക്ഷകർക്ക് അത്ഭുതം സമ്മാനിക്കുന്ന സുരാജ് വെഞ്ഞാറമൂടിനെ കുറിച്ചെഴുതിയ ഒരു ആരാധകന്റെ കുറിപ്പാണ് ഇപ്പോൾ സോഷ്യൽ മീഡിയ നിറഞ്ഞു നിൽക്കുന്നത്.
മിസ്റ്റർ Suraj Venjaramoodu ,
താങ്കളൊരു മാന്യനാണെന്നാണു കരുതിയിരുന്നത്.
ഒരുമാതിരി ആളെ വടിയാക്കുന്ന പരിപാടി കാണിക്കരുത്. നിങ്ങളെ വിശ്വസിച്ച് ഓരോന്ന് പറഞ്ഞേച്ച് ബാക്കിയുള്ളോരിവിടെ മണ്ടനായിക്കൊണ്ടിരിക്കുന്നത് വല്ലതും അറിയണോ?
ആദ്യം ഫൈനൽസ് സിനിമയ്ക്ക് കയറി നിങ്ങടെ പ്രകടനം കണ്ട് വണ്ടറടിച്ച് സുഹൃത്തുക്കളോട് പറഞ്ഞു ഇതാണു സുരാജിന്റെ കരിയർ ബെസ്റ്റെന്ന്.
അതുകഴിഞ്ഞ് എന്റെ കഷ്ടകാലത്തിനു വികൃതിയൊന്ന് കണ്ടുപോയി. .സൗബിനും നിങ്ങളും കൂടി അങ്ങ് അഴിഞ്ഞാടിക്കളഞ്ഞില്ലേ? അത് കണ്ടപ്പൊ പറഞ്ഞത് വീണ്ടും തിരുത്തിപ്പറഞ്ഞു. . മറ്റതല്ല, ഇതാണു ബെസ്റ്റ്
ദേ ഇപ്പൊ ആൻഡ്രോയ്ഡ് കുഞ്ഞപ്പൻ. കട്ടയ്ക്ക് കട്ടയ്ക്ക് സൗബിൻ അവിടേം .സത്യം പറയണം. നിങ്ങളു മുടി ഡൈ ചെയ്ത് വച്ചിരിക്കുന്നതല്ലേ? ശരിക്കും പത്തറുപത്തഞ്ച് വയസുള്ളത് ആൾക്കാരറിയാതിരിക്കാൻ? <3
സ്വന്തം പ്രകടനം ഇങ്ങനെ മെച്ചപ്പെടുത്തിക്കൊണ്ടിരിക്കാൻ നിങ്ങളാരുവാ, സെർജി ബുബ്കയോ? ഇസിൻബയേവയോ ? അതോ ഉസൈൻ ബോൾട്ടോ?
ഇനി ഇതാണു കരിയർ ബെസ്റ്റെന്ന് പറയൂല്ല. . .പിന്നേം മണ്ടനാക്കാനല്ലേ 😉
മാണ്ട
ആ ഐഡിയ മനസിലിരിക്കട്ടെ 🙂നമിച്ചാശാനേ