മലയാളികളെ ഒന്നാകെ ഭീതിയുടെ മുള്മുനയില് നിര്ത്തിയ നിപ വൈറസ് ബാധയും, രോഗികളെ ചികിത്സിക്കുന്നതിനിടയില് ജീവന് ബലിയര്പ്പിക്കേണ്ടി വന്ന നഴ്സ് ലിനിയുടെ ജീവിതവും ആസ്പദമാക്കി ആഷിക് അബു ഒരുക്കുന്ന വൈറസ് സിനിമയുടെ 52 ദിവസം നീണ്ടു നിന്ന ഷൂട്ടിംഗ് പൂര്ത്തിയായി. ടോവിനോ തോമസ്, കുഞ്ചാക്കോ ബോബന്, റഹമാന്, ഇന്ദ്രന്സ്, സൗബിന് ഷാഹിര്, പൂര്ണ്ണിമ ഇന്ദ്രജിത്ത്, രമ്യ നമ്പീശന്, ശ്രീനാഥ് ഭാസി, മഡോണ സെബാസ്റ്റിയന്, ജോജു ജോര്ജ്ജ്, ദിലീഷ് പോത്തന്, സെന്തില് കൃഷ്ണ, ആസിഫ് അലി, ഷറഫുദ്ദീന്, പാര്വതി തുടങ്ങി വമ്പന് താരനിരയാണ് ചിത്രത്തിലുള്ളത്. രാജീവ് രവി ഛായാഗ്രഹണം നിര്വഹിക്കുന്ന ചിത്രത്തിന്റെ രചന കെ എല് പത്ത് ഫെയിം മുഹ്സിന് പരാരി, സുഹാസ്, ഷറഫു എന്നിവര് ചേര്ന്നാണ് നിര്വ്വഹിച്ചിരിക്കുന്നത്. ആഷിക്ക് അബുവിന്റെ തന്നെ നിര്മ്മാണ കമ്പനിയായ ഒപിഎം ആണ് ചിത്രം നിര്മ്മിക്കുന്നത്. ട്വന്റി20ക്ക് ശേഷം മലയാളത്തിൽ ഏറ്റവും വലിയ താരനിരയുമായി എത്തുന്ന ചിത്രം കൂടിയാണ് വൈറസ്.