രാജീവ് ഗോവിന്ദന് നേതൃത്വം നൽകുന്ന വാട്ടര് ബൗണ്ട് മീഡിയ എന്ന പ്രൊഡക്ഷന് ഹൗസ് ആരംഭിച്ചിരിക്കുകയാണ്. മലയാള സിനിമയിൽ പുതിയ മാറ്റങ്ങൾ കൊണ്ടുവരാൻ ആണ് ഇങ്ങനെ ഒരു പ്രൊഡക്ഷൻ ഹൗസ് ആരംഭിച്ചിരിക്കുന്നത്. മലയാളത്തിലെ കംപ്ലീറ്റ് ആക്ടർ മോഹൻലാൽ ആണ് ഫേസ്ബുക്കിലൂടെ ഔദ്യോഗികമായി ഇതിന് തുടക്കമിട്ടത്. ഇതുമായി ബന്ധപ്പെട്ടവർ അറിയിച്ചത് കോവിഡാനന്തര കേരളത്തില് മലയാള സിനിമ ആവശ്യപ്പെടുന്ന അച്ചടക്കത്തോടെ
നവ സാങ്കേതികവിദ്യാ സാധ്യതകള് പ്രയോജനപ്പെടുത്തി നല്ല സിനിമകള് നിര്മ്മിക്കാന് വാട്ടര്ബൗണ്ട് മീഡിയ ഒപ്പമുണ്ടാകുമെനാണ്.
ഓർഡിനറി, അനാർക്കലി തുടങ്ങിയ സിനിമകൾ നിർമിച്ച വ്യക്തിയാണ് രാജീവ് ഗോവിന്ദൻ. പൃഥ്വിരാജും മോഹൻലാലും മറ്റു നിരവധി താരങ്ങളും ചേർന്നാണ് ലോഗോ പുറത്തിറക്കിയത്. ഡിജിറ്റല് പ്ലാറ്റ്ഫോമുകളിലുള്പ്പെടെയുള്ള സിനിമയുടെ വിതരണം, പരസ്യചിത്രങ്ങള് യൂ ട്യൂബ് കണ്ടന്റ് എന്നിവയുടെ നിര്മ്മാണം, വി എഫ് എക്സ് – വിര്ച്ച്വല് റിയാലിറ്റി പ്രോജക്ടുകളുടെ നിര്മ്മാണം, ഇവയ്ക്കാവശ്യമായ സാങ്കേതിക സഹായം, വെബ് സീരീസ് നിര്മ്മാണം
ഡോക്യുമെന്ററി – ഷോര്ട്ട് വീഡിയോ നിര്മ്മാണം എന്നിവയും വാട്ടര്ബൗണ്ട് മീഡിയ നിര്വ്വഹിക്കും എന്നും അറിയിച്ചിട്ടുണ്ട്. മുംബൈ ആസ്ഥാനമാക്കിയാണ് ഇത് പ്രവർത്തിക്കുന്നത്.