റിപ്പബ്ലിക് ദിനത്തിൽ ആയിരുന്നു മോഹൻലാൽ ചിത്രമായ ബ്രോ ഡാഡി ഡിസ്നി പ്ലസ് ഹോട്ട്സ്റ്റാറിൽ സ്ട്രീമിംഗ് തുടങ്ങിയത്. മോഹൻലാലിനെ നായകനാക്കി പൃഥ്വിരാജ് സുകുമാരൻ സംവിധാനം ചെയ്ത രണ്ടാമത്തെ ചിത്രമാണ് ബ്രോ ഡാഡി. ചിത്രത്തിനെ അനുകൂലിച്ച് സോഷ്യൽ മീഡിയയിൽ നിരവധി പേരാണ് അഭിപ്രായങ്ങൾ രേഖപ്പെടുത്തിയിരിക്കുന്നത്. പൃഥ്വിരാജിന്റെ ഡാഡിയായി മോഹൻലാൽ അഭിനയിക്കാൻ തീരുമാനിച്ചത് മോഹൻലാലിന് തന്റെ അഭിനയത്തിലുള്ള ആത്മവിശ്വാസത്തിന്റെ തെളിവാണെന്ന് ചിലർ കുറിച്ചു.
സിനിമയെയും അഭിനേതാക്കളെയും അഭിനന്ദിച്ച് സംവിധായകൻ ജൂഡ് ആന്റണി ജോസഫും രംഗത്തെത്തി. സോഷ്യൽ മീഡിയയിലാണ് ജൂഡ് തന്റെ അഭിപ്രായം രേഖപ്പെടുത്തിയത്. ‘ബ്രോ ഡാഡി ശരിക്കുമൊരു എന്റർടയിൻമെന്റ് ആണ്. ശരിക്കും ആ ഫൺറൈഡ് ആസ്വദിച്ചു. ലാലേട്ടൻ, രാജു, മീന ചേച്ചി, കനിഹ, ജഗദീഷേട്ടൻ, കല്യാണി, മല്ലികാമ്മ, സൗബിൻ പ്രത്യേകമായി ലാലു ചേട്ടൻ എല്ലാവരും അടിപൊളി പെർഫോമൻസ് ആയിരുന്നു. വിജയത്തിന് എല്ലാവിധ അഭിനന്ദനങ്ങളും രാജു’ – ജൂഡ് ആന്റണി ജോസഫ് സോഷ്യൽ മീഡിയയിൽ കുറിച്ചു.
കോവഡ് കാലത്ത് ആശിർവാദ് സിനിമാസ് ഒടിടി റിലീസ് മുന്നിൽക്കണ്ട് നിർമിച്ച പടമായിരുന്നു ബ്രോ ഡാഡി. ലൂസിഫറിന് ശേഷം മോഹൻലാലിനെ നായകനാക്കി പൃഥ്വിരാജ് സുകുമാരൻ സംവിധാനം ചെയ്യുന്ന പടമെന്ന പ്രത്യേകതയും ബ്രോ ഡാഡിക്കുണ്ട്. ശ്രീജിത്ത് എന്‍, ബിബിന്‍ മാളിയേക്കല്‍ എന്നിവരാണ് ചിത്രത്തിന്റെ രചന. ചിത്രത്തിന്റെ കളര്‍ഫുള്‍ എന്‍റര്‍ടെയ്‍നര്‍ സ്വഭാവം വ്യക്തമാക്കുന്നതാണ് പോസ്റ്റര്‍. പൃഥ്വിരാജ് പ്രൊഡക്ഷന്‍സ് പ്രൊജക്റ്റ് ഡിസൈന്‍ നിര്‍വ്വഹിച്ചിരിക്കുന്ന ചിത്രത്തിന്റെ ഛായാഗ്രഹണം അഭിനന്ദന്‍ രാമാനുജമാണ്. സംഗീതം – ദീപക് ദേവ്. എഡിറ്റിംഗ് – അഖിലേഷ് മോഹന്‍. കലാസംവിധാനം – മോഹന്‍ദാസ്. ഓഡിയോഗ്രഫി – രാജാകൃഷ്‍ണന്‍ എം ആര്‍, ചീഫ് അസോസിയേറ്റ് – ഡയറക്ടര്‍ വാവ, പ്രൊഡക്ഷന്‍ കണ്‍ട്രോളര്‍ – സിദ്ധു പനയ്ക്കല്‍, വസ്ത്രാലങ്കാരം – സുജിത്ത് സുധാകരന്‍, മേക്കപ്പ് – ശ്രീജിത്ത് ഗുരുവായൂര്‍, സ്റ്റില്‍സ് – സിനറ്റ് സേവ്യര്‍, ഫസ്റ്റ് ലുക്ക് ഡിസൈന്‍ – ഓള്‍ഡ്‍മങ്ക്സ്, പബ്ലിസിറ്റി ഡിസൈന്‍സ് – ആനന്ദ് രാജേന്ദ്രന്‍.
