എണ്പതുകളിലും തൊണ്ണൂറുകളിലും മലയാള സിനിമയിലെ മുന്നിര നായികയായിരുന്നു ലിസി. സംവിധായകന് പ്രിയദര്ശനെ വിവാഹം കഴിച്ചെങ്കിലും 2016ല് ഇരുവരും വേര്പിരിഞ്ഞു. ഇപ്പോഴും നല്ല സുഹൃത്തുക്കള് ആയി തന്നെയാണ് ഇവര് മുന്നോട്ട് പോവുന്നത്.
ഇപ്പോള് അഭിനയ രംഗത്തില്ലങ്കിലും സോഷ്യല് മീഡിയയില് സജീവമാണ് താരം. പലപ്പോഴും ലിസി സോഷ്യല് മീഡിയ പേജിലൂടെ പങ്കുവെക്കുന്ന ചിത്രങ്ങളും എഴുത്തുകളുമൊക്കെ വൈറലാകാറുണ്ട്. ഇപ്പോഴിതാ നടിയുടെ പുതിയ ചിത്രം വൈറലാവുകയാണ്. പച്ചപ്പ് നിറഞ്ഞ ബാക്ഗ്രൗണ്ടില് ചിരിച്ചുകൊണ്ടു നില്ക്കുന്ന ലിസിയാണ് ചിത്രത്തിലുള്ളത്. ഈ ഫൊട്ടോയ്ക്ക് മറ്റൊരു പ്രത്യേകതയുണ്ട്. ലിസിയുടെ മകള് കല്യാണിയാണ് ഫൊട്ടോ പകര്ത്തിയത്. ‘വളരെ പ്രശസ്തയായ ഫൊട്ടോഗ്രാഫര് കല്യാണി’യാണ് ഈ ചിത്രം പകര്ത്തിയതെന്നാണ് ലിസി ഇന്സ്റ്റഗ്രാമില് കുറിച്ചത്.
മലയാളികള്ക്ക് ഏറെ പ്രിയപ്പെട്ട നടിയാണ് കല്യാണി പ്രിയദര്ശന്. 2017ല് പുറത്തിറങ്ങിയ ഹലോ എന്ന തെലുങ്ക് ചിത്രത്തിലൂടെയാണ് താരം അഭിനയരംഗത്ത് എത്തിയത്. ഈ ചിത്രത്തിലെ അഭിനയത്തിന് പിന്നാലെ കല്യാണിക്ക് നിരവധി അവാര്ഡുകളും ലഭിച്ചു.