Sunday, September 27

ലാലേട്ടന്റെ കോവിഡ് ടെസ്റ്റ് നെഗറ്റീവ്; ഏഷ്യാനെറ്റ് ഓണം ഷോയും ദൃശ്യം 2ഉം എല്ലാമായി ഇനി തിരക്കേറിയ നാളുകൾ

Pinterest LinkedIn Tumblr +

നാല് മാസത്തോളം നീണ്ട് നിന്ന ചെന്നൈ വാസത്തിന് ശേഷം മലയാളികളുടെ പ്രിയതാരം മോഹൻലാൽ കഴിഞ്ഞ മാസമാണ് കേരളത്തിൽ തിരിച്ചെത്തിയത്. ചെന്നൈയിൽ നിന്നും റോഡ് മാർഗമാണ് മോഹൻലാൽ കൊച്ചിയിലെത്തിയത്. കൊച്ചിയിലുള്ള സ്വകാര്യ ഹോട്ടലിൽ പതിനാല് ദിവസം ക്വാറന്റൈനിൽ കഴിഞ്ഞ ലാലേട്ടന്റെ കോവിഡ് ടെസ്റ്റ് നെഗറ്റീവ് ആയതോടെ പുതിയ തിരക്കുകളിലേക്ക് അദ്ദേഹം ചേക്കേറിയിരിക്കുകയാണ്. തേവരയിലെ വീട്ടിലുള്ള അമ്മയെ കാണുവാനാണ് ഈ കോവിഡ് ഭീതി സമയത്തും മോഹൻലാൽ കൊച്ചിയിലെത്തിയത്. ഹോട്ടലിൽ മോഹൻലാലിന് എല്ലാ സൗകര്യങ്ങളും ഒരുക്കിയിരുന്നു. ഡ്രൈവെരോടൊപ്പമാണ് മോഹൻലാൽ കൊച്ചിയിലെത്തിയത്.

ചെന്നൈയിൽ ഭാര്യക്കും മകനുമൊപ്പം കഴിഞ്ഞിരുന്ന താരം ലോക്ക് ഡൗൺ കർശനമാക്കിയ കാരണമാണ് ചെന്നൈയിൽ തന്നെ നാല് മാസം തങ്ങേണ്ടി വന്നത്. കോവിഡ് നിയന്ത്രണങ്ങളിൽ ഇളവുകൾ വരുന്നതോടെ എല്ലാ മാനദണ്ഡങ്ങളും അനുസരിച്ച് ദൃശ്യം 2ന്റെ ഷൂട്ടിംഗ് സെപ്റ്റംബർ മാസമാകുമ്പോഴേക്കും തുടങ്ങുവാൻ സാധിക്കുമെന്നാണ് കരുതുന്നത്. അതിന് മുൻപേ ഏഷ്യാനെറ്റ് ഓണം സ്പെഷ്യൽ ഷോയും അണിയറയിൽ ഒരുങ്ങുന്നുണ്ട്. ഷൂട്ടിങ് കഴിഞ്ഞ് വീണ്ടും കോവിഡ് ടെസ്റ്റ് നടത്തി വൈറസ് ബാധയില്ലെന്ന് ഉറപ്പാക്കി അമ്മയുടെ അടുത്തെത്തും. പിന്നീടാണ് ദൃശ്യം 2 ചെയ്യുക.

“Lucifer”
Loading...
Share.

About Author

Comments are closed.