Author: Webdesk

മമ്മൂട്ടി എന്ന വ്യക്തി സഹപ്രവർത്തകർക്കും സിനിമയിൽ സജീവമല്ലാത്ത മിമിക്രി താരങ്ങൾക്കും കൊടുക്കുന്ന പ്രോത്സാഹനങ്ങൾ മിമിക്രി താരവും നടനുമായ കലാഭവൻ ഷാജോൺ ഇപ്പോൾ പങ്കുവയ്ക്കുകയാണ്. കൈരളി ടിവിയുടെ സ്റ്റാർ റാഗിംഗ് എന്ന പരിപാടിയിലാണ് സിനിമയിൽ സജീവമായിരുന്ന കാലത്ത് മമ്മൂട്ടി ചെയ്ത് തന്ന ഉപകാരങ്ങളെ പറ്റി അദ്ദേഹം പറയുന്നത്. മലയാള സിനിമയിൽ ചെറിയ വേഷങ്ങൾ ചെയ്തുകൊണ്ടിരുന്ന അവസരത്തിലാണ് ഷാജോൺ മമ്മൂട്ടിയെ പരിചയപ്പെട്ടത്. പിന്നീട് അങ്ങോട്ട് വളരെ നല്ല സൗഹൃദം ആയിരുന്നു എന്നും അത് തനിക്ക് കൂടുതൽ ഗുണം ചെയ്തു എന്നും അദ്ദേഹം പറയുന്നു. “നീ സിനിമയിൽ വരുമ്പോൾ വിഗ് വെക്കുന്നു അതാണ് നിന്നെ ഒന്നും കണ്ടാൽ മനസിലാകാത്തത് ” എന്ന് മമ്മൂട്ടി സ്വതസിദ്ധ ശൈലിയിൽ ആദ്യകാഴ്ചയിൽ കലാഭവൻ ഷാജോണിനോട് പറഞ്ഞു. അത്രമേൽ സജീവമല്ലായിരുന്ന തനിക്കുവേണ്ടി നിരവധി ആളുകളുടെ അടുത്ത് മമ്മൂട്ടി ചാൻസ് ചോദിച്ചിട്ടുണ്ട് എന്നും സിനിമ മേഖലയിലെ പല പ്രമുഖർക്കും തന്നെ പരിചയപ്പെടുത്തി കൊടുത്തിട്ടുണ്ട് എന്നും അദ്ദേഹം കൂട്ടിച്ചേർക്കുന്നു. . ‘പട്ടണത്തിൽ ഭൂതം’ ‘അണ്ണൻ…

മലയാള സിനിമയുടെ ബോക്‌സ് ഓഫീസ്, തീയേറ്റർ റൺ ചരിത്രത്തിലെ ഒട്ടുമിക്ക റെക്കോർഡുകളും കൈവശമുള്ള താരമാണ് മലയാളികളുടെ പ്രിയപ്പെട്ട ലാലേട്ടൻ. ഗിന്നസ് ബുക്കിലും തന്റെ പേര് എത്തിച്ചിട്ടുള്ള മോഹൻലാൽ രണ്ടുദിവസം മുൻപ് ഒരിക്കൽ കൂടി തന്റെ പേര് ഗിന്നസ് വേൾഡ് റെക്കോർട്സിന്റെ ഭാഗമാക്കി മാറ്റിയിരിക്കുകയാണ്. ബ്ലെസ്സി സംവിധാനം ചെയ്ത 100 ഇയേഴ്‌സ് ഓഫ് ക്രിസോസ്റ്റം എന്ന 48 മണിക്കൂർ ദൈർഘ്യമുള്ള ഡോകുമെന്ററിക്കു ഗിന്നസ് റെക്കോർഡ് ലഭിച്ചപ്പോൾ, അതിനു വേണ്ടി തന്റെ ശബ്ദം നൽകിയ മോഹൻലാലിനും ഗിന്നസ് വേൾഡ് റെക്കോർഡ്സിൽ നിന്നുള്ള സർട്ടിഫിക്കറ്റ് ലഭിക്കുകയുണ്ടായി. ആദ്യമായി അദ്ദേഹത്തിന്റെ പേര് ഗിന്നസ് റെക്കോർഡിൽ രേഖപ്പെടുത്തിയത് ഗൾഫ് ആസ്ഥാനമാക്കി പ്രവർത്തിക്കുന്ന മോഹൻലാൽ നേതൃത്വം നൽകുന്ന ലാൽ കെയെർസ് എന്ന ആരാധകരുടെ ചാരിറ്റി സംഘടന ലോകത്തെ ഏറ്റവും വലിയ ചാരിറ്റി ബോക്‌സ് നിർമ്മിച്ചപ്പോൾ ആണ്. അദ്ദേഹം അഭിനയിച്ച പുലിമുരുകൻ എന്ന ചിത്രത്തിന്റെ 3D വേർഷന്റെ പ്രദർശനം ലോകത്തെ തന്നെ ഏറ്റവും കൂടുതൽ ആളുകൾ പങ്കെടുത്ത 3D മൂവി പ്രീമിയർ…

വൈശാഖ് സംവിധാനം ചെയ്ത് മെഗാസ്റ്റാർ മമ്മൂട്ടി നായകനായ മധുരരാജ 131 ആം ദിവസം തിയേറ്ററുകളിൽ പിന്നിടുകയാണ്. പള്ളുരുത്തിയിൽ ആണ് ചിത്രം രണ്ടു ഷോകൾ കളിച്ച് 131ആം ദിവസത്തിൽ എത്തിനിൽക്കുന്നത്. ഉദയകൃഷ്ണ തിരക്കഥ രചിച്ച ചിത്രം നിർമ്മിച്ചത് നെൽസൺ ഐപ്പ് ആണ്. ഓൺലൈൻ / സാറ്റലൈറ്റ് പതിപ്പുകൾ, ഡിവിഡികൾ എല്ലാം പുറത്തുവന്നിട്ടും രാജ തിയറ്ററിൽ നിലനിൽക്കുകയാണ്. 2019 വർഷത്തെ മമ്മൂട്ടിയുടെ ആദ്യ മലയാളം റിലീസ് ആയി ഏപ്രിൽ 12-ന് റിലീസ് ചെയ്ത മധുരരാജ ഈ വർഷത്തെ സൂപ്പർഹിറ്റായിരുന്നു. മമ്മൂട്ടിയുടെ അഭിനയജീവിതത്തിലെ ആദ്യ 100 കോടി ചിത്രമാണിത്. ലോകവ്യാപകമായി 30,000 ഷോകൾ പൂർത്തിയാക്കിയ മധുരരാജ കേരളത്തിൽ നിന്ന് മാത്രം 20,000 ഷോകൾ എന്ന മെഗാ-ബ്ലോക്ക്ബസ്റ്റർ നേട്ടവും സ്വന്തമാക്കിയിട്ടുണ്ട്. ചിത്രം റിലീസ് ചെയ്ത് 9 – 10 ദിവസങ്ങൾ ആയപ്പോഴേക്കും 50 കോടി കളക്ഷനും 45 ദിവസം കൊണ്ട് 104 കോടി രൂപ നേടിയതായും നിർമ്മാതാവ് വെളിപ്പെടുത്തിയിരുന്നു. ആരാധകർക്കും കുടുബ പ്രേക്ഷകർക്കും ഒരുപോലെ സ്വീകാര്യമായ രീതിയിൽ…

മലയാളികള്‍ക്ക് ഏറെ പ്രിയപ്പെട്ട നടിയാണ് നമിത പ്രമോദ്. നടൻ ദിലീപുമായി ബന്ധപ്പെട്ട് നമിതക്കെതിരെ നിരവധി ഗോസിപ്പികൾ പലപ്പോഴായി വന്നിട്ടുണ്ട്.ദിലീപിന്റെ കൂടെ പലപ്പോഴായി അഭിനയിച്ചതുകൊണ്ടാണ് ഈ ഗോസിപ്പുകൾ ഉയരാൻ കാരണം.ഇപ്പോൾ തനിക്കെതിരെ ഉയർന്ന ആരോപണങ്ങൾക്കെല്ലാം കുറിക്കു കൊള്ളുന്ന മറുപടി നല്‍കുകയാണ് നമിത.വനിതയ്ക്ക് നല്‍കിയ അഭിമുഖത്തിലാണ് താരത്തിന്റെ പ്രതികരണം ഗോസിപ്പികളെ കുറിച്ച് താരം പറയുന്നത് ഇങ്ങനെയാണ്. ” ഗോസിപ്പുകളൊക്കെ ഇടക്കിടെ വന്നു പോകാറുണ്ട്. ദിലീപേട്ടന്റെ പേരിലാണ് ഏറ്റവും കൂടുതൽ ഗോസിപ്പ്സ് കേട്ടിട്ടുള്ളത്. പല സ്‌റ്റോറികളും വായിക്കുമ്പോൾ ഞാൻ ചിരിച്ചു മരിക്കും. ഒരു കാര്യം അറിയുമോ , ഞാനും ദിലീപേട്ടന്റെ മകൾ മീനാക്ഷിയും തമ്മിൽ നാല് വയസിന്റെ വ്യത്യാസമേയുള്ളൂ. പിന്നെ ഞാനൊക്കെ വിചാരിച്ചാൽ ഒരു ബോയ്ഫ്രണ്ടിനെ ഉണ്ടാക്കാനും ഡേറ്റിങിന് പോകാനുമൊന്നും വല്യ ബുദ്ധിമുട്ടുമില്ല. അല്ലാതെ എന്റെ അച്ഛനെ പോലെ കാണുന്നവർക്കൊപ്പം എനിക്ക് ഡേറ്റ് ചെയ്യേണ്ട വല്ല കാര്യവുമുണ്ടോ? കേരളത്തിലോ, അല്ലേൽ ഇന്ത്യയിൽ ആൺ പിള്ളേർക്ക് ഇത്രക്ക് ക്ഷാമമോ. അപ്പോ പറഞ്ഞു വന്നത് ഇത്രേയുള്ളൂ കഥകൾ ഇറക്കുന്നവർ…

മലയാളികൾക്കിടയിൽ ചുരുങ്ങിയ കാലം കൊണ്ട് ശ്രദ്ധ പിടിച്ചു പറ്റിയ സോഷ്യൽ മീഡിയ യൂട്യൂബ് ചാനലാണ് കരിക്ക്.കരിക്കിന്റെ പുതിയ വീഡിയോകൾ റിലീസ് ചെയ്യുവാനായി അക്ഷമയോടെ കാത്തിരിക്കുന്ന ഒരു കൂട്ടം ആരാധകർ നമ്മൾ മലയാളികൾക്കിടയിലുണ്ട്.മറ്റൊരു യൂട്യൂബ്‌ ചാനലിനും കിട്ടാത്ത വരവേൽപ്പാണ് കരിക്കിന് പ്രേക്ഷകർ നൽകുന്നത്. ഇപ്പോൾ ഇതാ കരിക്കിന്റെ പുതിയ വീഡിയോ റിലീസ് ആയിരിക്കുകയാണ്.രസകരമായ കാര്യം എന്തെന്നാൽ നടൻ ടോവിനോയും ഇതിൽ ഒരു ചെറിയ കഥാപാത്രമായി വരുന്നുണ്ട്.മുൻപും ഇത്തരത്തിൽ സിനിമാ താരങ്ങൾ കരിക്കിൽ പ്രത്യക്ഷപ്പെട്ടിട്ടുണ്ട്.അജു വർഗീസ്, റെജിഷ വിജയൻ തുടങ്ങിയവർ ഉദാഹരണം.എന്തായാലും കരിക്കിന്റെ പുതിയ വീഡിയോയും ഏറ്റെടുത്തിയിരിക്കുകയാണ് സോഷ്യൽ മീഡിയ

കേരള ജനത മറ്റൊരു പ്രളയ കാലം നേരിട്ടപ്പോൾ ഹിമാചല്‍ പ്രദേശില്‍ പ്രളയത്തില്‍ കുടുങ്ങിയ നടി മഞ്ജുവിനെയും സംഘത്തെയും കോക്ചാര്‍ ബേസ് ക്യാംപില്‍ എത്തിക്കുന്നതിനുള്ള നീക്കം നടന്നുകൊണ്ടിരിക്കുകയാണ്. അവർ സുരക്ഷിതരാണെന്നും ഭക്ഷണവും വെള്ളം എത്തിച്ചു നല്‍കിയെന്നും ഹിമാചല്‍ മുഖ്യമന്ത്രിയുമായും പൊലീസ് കമ്മിഷണറുമായും വിഷയം സംസാരിച്ചുവെന്നും ഡല്‍ഹിയിലെ കേരളത്തിന്റെ പ്രത്യേക പ്രതിനിധി എ.സമ്പത്ത് പറഞ്ഞു. കേന്ദ്ര വിദേശകാര്യ സഹമന്ത്രി വി.മുരളീധരന്‍ വാര്‍ത്താ വിനിമയം ദുഷ്‌കരമായ സ്ഥലത്താണ് അവരിപ്പോഴുള്ളതെന്നും ബേസ് ക്യാമ്പിലെത്തിയ ശേഷം മാത്രമേ കൂടുതല്‍ വിവരങ്ങള്‍ ലഭ്യമാവുകയുള്ളൂ എന്നും പറഞ്ഞു. മഞ്ജുവും സനലും അടക്കം ഷൂട്ടിങ് സംഘത്തില്‍ ഉണ്ടായിരുന്ന 30 പേരാണ് അവിടെ കുടുങ്ങിയിരിക്കുന്നത്. ശക്തമായ മഴയും മണ്ണിടിച്ചലിനെയും തുടര്‍ന്ന് ഗതാഗതം തടസ്സപ്പെട്ടതോടെയാണ് ഇവർക്ക് തിരിച്ച് എത്തിപ്പെടാൻ സാധിക്കാതെ പോയത്. സനല്‍ കുമാര്‍ ശശിധരന്‍ രചനയും സംവിധാനവും നിര്‍വ്വഹിക്കുന്ന ‘കയറ്റ’ത്തിന്റെ ഷൂട്ടിങ് ഹിമാലയത്തില്‍ ചിത്രീകരിക്കുന്നതിന് വേണ്ടിയാണ് അവർ അവിടെ എത്തിയത്.

സിദ്ദിഖ് സംവിധാനം ചെയ്ത സൂപ്പർ ഹിറ്റ് ചിത്രമായിരുന്നു ഹിറ്റ്ലർ.മമ്മൂട്ടി നായകനായി എത്തിയ ചിത്രം മലയാളത്തിലെ ഏറ്റവും വലിയ ഹിറ്റ് ചിത്രങ്ങളിൽ ഒന്നാണ്.ചിത്രത്തില്‍ സോമന്‍ അവതരിപ്പിക്കുന്ന കഥാപാത്രാം മമ്മൂട്ടിയുടെ കഥാപാത്രത്തിന്റെ സഹോദരിമാരിലൊരാളെ പീഡിപ്പിക്കുന്ന രംഗമുണ്ട്. ഈ രംഗത്തെയും അതേ തുടര്‍ന്നുണ്ടാകുന്ന സംഭവവികാസങ്ങളെയും വിമര്‍ശിച്ചു കൊണ്ടുള്ള ഒരു കുറിപ്പ് സോഷ്യല്‍ മീഡിയയില്‍ ശ്രദ്ധ നേടുകയാണ്.ഫേസ്ബുക്ക് ഗ്രൂപ്പായ മൂവി സ്ട്രീറ്റിൽ ആയിരുന്നു മാളവിക എന്ന പെൺകുട്ടിയുടെ ഈ കുറിപ്പ് എത്തിയത്. മാളവികയുടെ കുറിപ്പ്… ഒരിടത്തൊരു പെണ്‍കുട്ടി ട്യൂഷന്‍ പഠിക്കാന്‍ പോവുന്നു. ലാല്‍ കൃഷ്ണ വിരാടിയാരുടെ ഭാഷയില്‍ പറഞ്ഞാല്‍, കണ്ണില്‍ നോക്കി പഠിപ്പിക്കേണ്ട അധ്യാപകന്‍ നെഞ്ചില്‍ നോക്കി പഠിപ്പിക്കുന്നു. ആരുമില്ലാത്ത നേരം നോക്കി അവളെ കയറി പിടിക്കുന്നു. എന്നിട്ട് ചോദിക്കാന്‍ വരുന്ന അവളുടെ ചേട്ടനോട് പറയുവാ, ‘അവളൊന്ന് ഒച്ചവെച്ചിരുന്നേല്‍ ഞാന്‍ ഉണര്‍ന്നേനെ എന്ന് ‘! ജനനം മുതല്‍ വിവാഹം വരെ, sex എന്നോ എന്തിന്, പ്രേമം എന്നുപോലും കേള്‍പ്പിക്കാതെ, അറിയിക്കാതെ, ചിന്തിപ്പിക്കാതെ ഈ സമൂഹം വളര്‍ത്തുന്ന ഒരു…

മലയാളത്തിൽ ഒറ്റ സീസൺ മാത്രം പൂർത്തിയാക്കിയ ഏറ്റവും റേറ്റിംഗ് ഉള്ള ഒരു പരിപാടിയാണ് ബിഗ് ബോസ്. ഒന്നാം സീസണിൽ പ്രേക്ഷകർക്ക് ഏറെ പരിചയമുള്ള സിനിമ സീരിയൽ താരങ്ങൾ പങ്കെടുത്തപ്പോൾ സാബുമോൻ ആയിരുന്നു വിജയി. ഈ പരിപാടിയിലൂടെയാണ് പേളിയും ശ്രീനിഷും വിവാഹിതരായത്. ഈ ഷോ പലരുടെയും ജീവിതത്തിൽ നിരവധി മാറ്റങ്ങൾ നൽകി. താരങ്ങളെ കുറിച്ചുള്ള പ്രേക്ഷകരുടെ കാഴ്ചപ്പാടുകളും മാറി. ബിഗ് ബോസിന് ശേഷമുള്ള തന്റെ ജീവിതം വളരെ തിരക്കേറിയത് ആണെന്ന് സാബുമോൻ പറയുകയാണ്. ക്ലബ്ബ് എഫ് എമിന് നൽകിയ അഭിമുഖത്തിലാണ് അദ്ദേഹം ഇത് തുറന്നു പറഞ്ഞത്. സാബു മോനെ നിനക്ക് നന്നായിക്കൂടെ എന്ന ലാലേട്ടന്റെ ചോദ്യമാണ് തന്റെ വഴിത്തിരിവിന് കാരണമെന്നും അദ്ദേഹം പറയുന്നു. അടി ഉണ്ടാക്കാതെ ഇരുന്നത് ആ ചോദ്യത്തോടെ ആയിരുന്നുവെന്നും പിന്നീടങ്ങോട്ട് ഈ വീട്ടിലെ ഏറ്റവും വലിയ പ്രശ്നക്കാരൻ താനാണോ എന്ന ചിന്തയായിരുന്നു എന്നും സാബു മോൻ പറയുന്നു. സാബുമോന് ആരോടും മത്സരബുദ്ധി ഇല്ലായിരുന്നു. അദ്ദേഹം വിജയിക്കുമെന്ന് കരുതിയതല്ല. പരിപാടിയിൽ വിളിച്ചു…

കീർത്തി സുരേഷ് ബോളിവുഡ് അരങ്ങേറ്റം കുറിക്കുകയാണ്. ഇന്ത്യൻ ഫുട്ബോളിന്റെ സുവർണ്ണകാലഘട്ടം പ്രമേയമാക്കിയുള്ള ചിത്രത്തിലൂടെയാണ് കീർത്തി അരങ്ങേറ്റം കുറിക്കുന്നത്. അജയ് ദേവ് ഗൺ നായകനാകുന്ന ചിത്രത്തിന്റെ പേര് മൈദാൻ എന്നാണ്. മഹാനടിയിലെ അഭിനയത്തിന് മികച്ച നടിക്കുള്ള ദേശീയ പുരസ്കാരം നേടിയതിനുശേഷം കീർത്തിസുരേഷ് നായികയായെത്തുന്ന ചിത്രമാണിത്. ബോണി കപൂർ നിർമ്മിക്കുന്ന ചിത്രം 1952-1962 കാലഘട്ടത്തിലെ ഫുട്ബോൾ ചരിത്രമാണ് പറയുന്നത്. ചിത്രത്തിന്റെ ടൈറ്റിൽ പോസ്റ്റർ അജയ് ട്വിറ്ററിലൂടെ പുറത്തുവിട്ടിരുന്നു. മറ്റ് തെന്നിന്ത്യൻ ഭാഷകളിലെല്ലാം മുഖം കാണിച്ച ഒരു താരമാണ് കീർത്തി സുരേഷ്. ചിത്രം സംവിധാനം ചെയ്യുന്നത് ‘ബഡായി ഹോ’യുടെ അമിത് ശർമ്മയാണ്. ബോണി കപൂറിനൊപ്പം, ആകാശ് ചാവ്‌ല, അരുണാവാ ജോയ് സെൻഗുപ്ത എന്നിവർ ചേർന്നാണ് ചിത്രം നിർമ്മിക്കുന്നത്.

നവാഗതനായ ഗിരീഷ് എ ഡി സംവിധാനം ചെയ്ത ചിത്രമാണ് തണ്ണീർ മത്തൻ ദിനങ്ങൾ.കുമ്പളങ്ങി നൈറ്റ്‌സ് ഫെയിം മാത്യു തോമസ്,ഉദാഹരണം സുജാത ഫെയിം അനശ്വര രാജൻ,വിനീത് ശ്രീനിവാസൻ എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചത്. മുഴുനീള കോമഡി ചിത്രമായി ഒരുക്കിയ തണ്ണീർ മത്തൻ ദിനങ്ങൾക്ക് ആദ്യ ഷോ മുതൽ തന്നെ ഗംഭീര റിപ്പോർട്ടുകളാണ് ലഭിക്കുന്നത്. ജോമോൻ ടി ജോൺ, ഷമീർ മുഹമ്മദ്, ഷെബിൻ ബക്കർ എന്നിവർ സംയുക്തമായി ചേർന്നാണ് ചിത്രം നിർമ്മിച്ചത്.ചിത്രം 30 കോടി രൂപയ്ക്ക് മുകളില്‍ ഗ്രോസ് കളക്ഷനിലേക്ക് എത്തിക്കഴിഞ്ഞുവെന്ന് റിപ്പോര്‍ട്ട്. 1.75 കോടി മുതല്‍മുടക്കിലാണ് സിനിമ അണിയിച്ചൊരുക്കിയിരുന്നത്. യുഎഇ-ജിസിസി ബോക്സോഫീസുകളില്‍ നിന്നായി 10 ദിവസം കൊണ്ട് 11.27കോടി രൂപയാണ് സിനിമ നേടിയിരിക്കുന്നതെന്ന് റിപ്പോര്‍ട്ടുകള്‍ സൂചിപ്പിക്കുന്നു. രണ്ടു കോടിയോളം രൂപയ്ക്ക് നേരത്തെ എഷ്യാനെറ്റ് ചിത്രത്തിന്റെ സാറ്റലൈറ്റ് റൈറ്റ് സ്വന്തമാക്കിയിരുന്നു. സിനിമയുടെ ടോട്ടല്‍ ബിസിനസില്‍ നിന്നും നിര്‍മ്മാതാക്കള്‍ ഇതിനകം 20 കോടിക്ക് മുകളില്‍ നേടിയിട്ടുണ്ട് എന്നും കണക്കാക്കപ്പെടുന്നു.എന്തായാലും മലയാള സിനിമ കണ്ട ഏറ്റവും…