സെക്കൻഡ് ഷോ എന്ന ചിത്രത്തിലൂടെ മലയാളത്തിലേക്ക് അരങ്ങേറ്റം കുറിച്ച ദുൽഖർ സൽമാൻ ഒരിടവേളയ്ക്ക് ശേഷം മലയാളത്തിലേക്ക് തിരിച്ചെത്തുന്നത് അതേ സംവിധായകന്റെ ചിത്രത്തിലൂടെ തന്നെയാണ്. കേരളത്തിലെ കുപ്രസിദ്ധ പിടികിട്ടാപ്പുള്ളി സുകുമാരക്കുറുപ്പിന്റെ ജീവിതത്തെ ആസ്പദമാക്കി ശ്രീനാഥ് രാജേന്ദ്രൻ സംവിധാനം ചെയ്യുന്ന സുകുമാരക്കുറുപ്പ് എന്ന ചിത്രത്തിലൂടെയാണ് ദുൽഖർ സൽമാൻ വീണ്ടും മലയാളത്തിലേക്ക് തിരിച്ചെത്തുന്നത്. സെക്കൻഷോ, കൂതറ എന്നീ ചിത്രങ്ങളിലൂടെ വെളിവായ ശ്രീനാഥ് രാജേന്ദ്രന്റെ സംവിധാന മികവ് സുകുമാരക്കുറുപ്പിലും ഉണ്ടായാൽ ദുൽഖർ സൽമാന്റെ അതിഗംഭീര തിരിച്ചു വരവായിരിക്കും ഈ ചിത്രം.ചിത്രത്തിന്റെ ഷൂട്ടിംഗ് ഒറ്റപ്പാലത്ത് ആരംഭിക്കാൻ പോകുന്നു എന്ന വാർത്തയാണ് ഇപ്പോൾ പുറത്ത് വരുന്നത്.80 കളുടെ പശ്ചാത്തലത്തിൽ ഒരുങ്ങുന്ന ചിത്രത്തിലേക്ക് കാസ്റ്റിംഗ് കോൾ അണിയറ പ്രവർത്തകർ ക്ഷണിച്ചിരുന്നു. മുടി നീട്ടി വളർത്തിയർക്കും പാലക്കാട് സ്വദേശികൾക്കും മുൻഗണനയുണ്ട്. ഇപ്പോൾ ചിത്രത്തെ കുറിച്ച് കൂടുതൽ വിവരങ്ങൾ പുറത്ത് വന്നിരിക്കുകയാണ്.ചിത്രത്തിൽ സണ്ണി വെയ്നും ഷൈൻ ടോം ചാക്കോയും ഉണ്ടെന്ന് കഴിഞ്ഞ ദിവസം റിപ്പോർട്ട് ചെയ്തിരുന്നു.ചിത്രത്തിന്റെ സ്റ്റാർ കാസ്റ്റ് വീണ്ടും വലുതാകുന്ന കാഴ്ച്ചയാണ് ഇപ്പോൾ…
Author: Webdesk
കുമ്പളങ്ങി നൈറ്റ്സ് എന്ന ചിത്രത്തിന്റെ രചയിതാവ് ശ്യാം പുഷ്ക്കരൻ ചിത്രത്തെ കുറിച്ച് പങ്കുവെക്കുകയാണ്. ‘കുമ്പളങ്ങി നൈറ്റ്‌സി’ലെ ‘സജി’ എന്ന കഥാപാത്രത്തെക്കാളും ‘ഷമ്മി’യോടാണ് ശ്യാമിന് സാമ്യം. ആ കഥാപാത്രത്തിന്റെ ചില ശീലങ്ങള്‍ തനിക്കും ഉണ്ടെന്നും എഴുതിയ സമയത്ത് തന്നിലെ ‘ഷമ്മി’യെ നോക്കിക്കാണുന്നുണ്ടായിരുന്നുവെന്നും അദ്ദേഹം പറഞ്ഞു. ഇന്ത്യന്‍ എക്‌സ്പ്രസിന് നല്‍കിയ അഭിമുഖത്തിലാണ് അദ്ദേഹം ഇതേക്കുറിച്ച് സംസാരിച്ചത്. ഷമ്മിയെപ്പോലെ ആഹാരം കഴിക്കാൻ ശ്യാമിനും പ്രത്യേകം പ്ലേറ്റൊക്കെയുണ്ട്. ഷമ്മി എന്ന കഥാപാത്രത്തിന്റെ രൂപീകരണവേള തന്റെയുള്ളിലേക്കുതന്നെ നോക്കിയ ശ്യാം സൗബിന്‍ ഷാഹിര്‍ അവതരിപ്പിച്ച ‘സജി’യെ എഴുതുന്ന സമയത്ത് ഉദാഹരണങ്ങള്‍ക്കായി ചുറ്റുപാടിലേക്കുമാണ് നോക്കിയത്. ‘എന്റെ അച്ഛനെയും കസിന്‍സിനെയുമൊക്കെ പോലെ ദൗര്‍ബല്യങ്ങളുള്ള, നല്ല മനുഷ്യരിലേക്കാണ് സജിക്കുവേണ്ടി ഞാന്‍ നോക്കിയത്’, എന്ന് ശ്യാം പുഷ്‌കരന്‍ പറയുന്നു.
മലയാളികളുടെ പ്രിയപ്പെട്ട താരമാണ് നവ്യാ നായർ.ഇപ്പോൾ നവ്യാ നായർ ജിമ്മിൽ വർക്ക് ഔട്ട് ചെയ്യുന്ന പുതിയ വീഡിയോ സോഷ്യൽ മീഡിയയിൽ വൈറലാവുകയാണ്. വെയിറ്റ് പൊക്കുന്ന വർക്ക് ഔട്ട് ആണ് നവ്യാ നായർ ചെയ്യുന്നത്.ഇതിന് മുമ്പും ഇത്തരത്തിൽ നവ്യാ നായരുടെ വർക്ക് ഔട്ട് വീഡിയോകൾ സോഷ്യൽ മീഡിയയിൽ വൈറലായിരുന്നു. മലയാള സിനിമയിലെ പ്രിയ നായികമാരുടെ കൂട്ടത്തിൽ മുൻപന്തിയിൽ സ്ഥാനമുള്ള നടിയാണ് നവ്യാ നായർ.വിവാഹശേഷം അഭിനയത്തിൽ നിന്ന് വിട്ടുനിൽക്കുകയാണെങ്കിലും മലയാളികൾ ഇപ്പോളും നവ്യയെ മറന്നിട്ടില്ല.
ദുൽഖർ സൽമാൻ തന്റെ ഉറ്റ ചങ്ങാതിയായ സണ്ണി വെയ്നിന് ഫേസ്ബുക്കിലൂടെ പിറന്നാൾ ആശംസകൾ നേരുകയാണ്. ദുൽഖറിന്റെ കന്നി ചിത്രമായ സെക്കൻഡ് ഷോയിലൂടെ തന്നെയായിരുന്നു സണ്ണി വെയ്നിന്റെയും കടന്നുവരവ്. അന്നുമുതൽ ഇരുവരും ഉറ്റ സുഹൃത്തുക്കളാണ്. ഈ വർഷം സണ്ണി വെയ്നിന് വളരെ നല്ല ഒരു വർഷം ആണെന്നും കൈനിറയെ ചിത്രങ്ങൾ ലഭിച്ചുവെന്നും വിവാഹം കഴിക്കാൻ സാധിച്ചുവെന്നും ദുൽഖർ പറയുന്നു. സണ്ണി വെയിനിനെ പറ്റി ആലോചിക്കുമ്പോൾ അദ്ദേഹത്തിന്റെ ഹൃദയം തുറന്നുള്ള ചിരിയും ഒരിക്കലും അവസാനിക്കാത്ത പുഞ്ചിരിയും ആണ് തന്റെ മനസ്സിൽ വരുന്നതെന്നും അദ്ദേഹം പറയുന്നു. ഒരിക്കലും മാറരുത് എന്നും ഇങ്ങനെ തന്നെ ഇരിക്കണം എന്നും സണ്ണി വെയ്‌നിനെയും കുഞ്ചുവിനെയും ഞങ്ങൾ സ്നേഹിക്കുന്നു എന്നും താരം പറയുന്നു. വൃത്തം, സം സം, അനുഗ്രഹീതന്‍ ആന്റണി എന്നിവയാണ് സണ്ണിയുടേതായി ഇനി പുറത്തിറങ്ങുന്ന ചിത്രങ്ങൾ.
കരുനാഗപ്പള്ളി നഗരം ഇന്ന് അക്ഷരാർത്ഥത്തിൽ ഒന്ന് കുലുങ്ങി.നടൻ മോഹൻലാലിന്റെ വരവിനായി അക്ഷമയോടെ കാത്തിരുന്ന ആരാധക വൃന്ദത്തിന് നടുവിലേക്ക് ആണ് ഒടുവിൽ മോഹൻലാൽ എന്ന അവരുടെ പ്രിയപ്പെട്ട താരം പറന്നിറങ്ങിയത്. പുതിയതായി ആരംഭിക്കുന്ന യെസ് ഭാരത് വെഡിങ് കളക്ഷൻസിന്റെ ഉദ്ഘാടനത്തിനാണ് മോഹൻലാൽ കരുനാഗപ്പള്ളിയിൽ എത്തിയത്. തിങ്ങി നിറഞ്ഞ ആയിരം ആരാധകർക്കിടയിൽ ഒരു വല്യമ്മ താരമായി.മോഹൻലാലിനെ കാണുവാൻ മണിക്കൂറുകളോളമാണ് വെയിൽ സഹിച്ച് ഈ വല്യമ്മ നിന്നത്.മോഹൻലാലിന്റെ വലിയ ആരാധിക കൂടിയാണ് ഈ അമ്മച്ചി ഇതിന്റെ വീഡിയോ ഇപ്പോൾ സോഷ്യൽ മീഡിയയിൽ വൈറലാവുകയാണ്.
മെലിഞ്ഞ് മസില്‍മാന്‍ ലുക്കില്‍ ചുള്ളനായുള്ള ജയറാമിന്റെ ഫോട്ടോ സോഷ്യൽ മീഡിയയിൽ വൈറൽ ആയിരുന്നു. 50 ദിവസം കൊണ്ട് ജയറാം മെലിഞ്ഞ് സുന്ദരനായ ചിത്രം ഫേസ്ബുക്കിലൂടെയാണ് താരം പങ്കുവെച്ചത്. തെലുങ്ക് താരമായ അല്ലു അർജുൻ നായകനായെത്തുന്ന ചിത്രത്തിനു വേണ്ടിയാണ് ജയറാം ഈ മേക്ക് ഓവർ നടത്തിയത്. ചിത്രത്തിൽ ജയറാമിന്റെ ജോഡിയായി എത്തുന്നത് തബുവാണ് എന്ന വാർത്തകളുണ്ടായിരുന്നെങ്കിലും ഇപ്പോഴാണ് അത് സ്ഥിരീകരിച്ചത്. ഇപ്പോൾ ചിത്രത്തിന്റെ ലൊക്കേഷനിൽ നിന്നും തബുവുമായുള്ള ജയറാമിന്റെ ചിത്രം സോഷ്യൽ മീഡിയയിൽ വൈറൽ ആവുകയാണ്. ജയറാം തന്നെയാണ് ഫേസ്ബുക്കിലൂടെ അല്ലു അർജുൻ ചിത്രത്തിൽ തന്റെ ജോഡി തബു ആണ് എന്ന വിവരവും ഒപ്പം ഈ ചിത്രവും പങ്കുവെച്ചത്. ഈ വാർത്ത ഏറെ ആവേശത്തോടെയാണ് ആരാധകർ സ്വീകരിച്ചത്.
മലയാളത്തിന്റെ പ്രിയനായികമാരിൽ ഒരാളാണ് അനു സിത്താര.അനു സിത്താരയുടെ ഇൻസ്റ്റഗ്രാം പോസ്റ്റിന് താഴെ ഒരു വ്യക്തി നടത്തിയ മോശം കമന്റ് ആണ് സോഷ്യൽ മീഡിയയിൽ ഇപ്പോൾ ചർച്ചയാകുന്നത്. “നീ ഒന്നും വെള്ളപ്പൊക്കത്തിൽ ചത്തില്ലേ” എന്നായിരുന്നു ഒരാൾ വളരെ മോശം രീതിയിൽ അനു സിത്താരയുടെ പോസ്റ്റിൽ കമന്റ് ചെയ്തത്.ഉടൻ തന്നെ എത്തി അനു സിത്താരയുടെ മറുപടി.”നിന്നെപോലെയുള്ളവർ ജീവിച്ചിരിക്കുമ്പോൾ കാലൻ എന്നെ വിളിക്കുവോ”എന്നായിരുന്നു അനു സിത്താരയുടെ മറുപടി.അനു സിത്താരയുടെ ഈ റിപ്ലേ എന്തായാലും സോഷ്യൽ മീഡിയയിൽ ഏറെ വൈറലായിരിക്കുകയാണ്.ഒരു സോഷ്യൽ മീഡിയ അക്കൗണ്ടും കുറച്ച് നെറ്റും ഉണ്ടെങ്കിൽ എന്തും ആർക്കും വിളിച്ചു പറയാമെന്ന ഇത്തരം ധാർഷ്ട്യത്തിനുള്ള മറുപടി കൂടിയാണ് അനുവിന്റെ ഈ റിപ്ലേ.
മമ്മൂട്ടി നായകനാകുന്ന ഷൈലോക്കും മോഹൻലാൽ എത്തുന്ന ബിഗ്ബ്രദറും ഷൂട്ടിംഗ് പുരോഗമിച്ചു കൊണ്ടിരിക്കുന്ന ചിത്രങ്ങളാണ്. ഷൂട്ടിംഗ് പുരോഗമിച്ചു കൊണ്ടിരിക്കേ ചിത്രങ്ങളുടെ സാറ്റ്‌ലൈറ്റ് അവകാശം വമ്പന്‍ തുകയ്ക്ക് സൂര്യ ടിവി സ്വന്തമാക്കിയിരിക്കുകയാണ്. മോഹൻലാലിനെ നായകനാക്കി സിദ്ദിഖ് ഒരുക്കുന്ന ചിത്രമാണ് ബിഗ് ബ്രദർ. ചിത്രത്തിലൂടെ അർബാസ്‌ ഖാൻ മലയാളത്തിൽ അരങ്ങേറ്റം കുറിക്കാൻ എത്തുകയാണ്.എസ് ടാകീസ്, നിക്, വൈശാഖ സിനിമ എന്നിവയുടെ ബാനറിൽ സംവിധായകൻ സിദ്ദിഖ്, ജെൻസോ ജോസ്, വൈശാഖ് രാജൻ എന്നിവർ ചേർന്നാണ് ചിത്രം നിർമ്മിക്കുന്നത്. സച്ചിദാനന്ദൻ എന്ന കഥാപാത്രമായ മോഹൻലാലിന്റെ നായികയായി എത്തുന്നത് പുതുമുഖം മിർണാ മേനോൻ ആണ്.റെജിന കസാന്‍ഡ്രയും ചിത്രത്തിലെ നായികമാരിൽ ഒരാളാണ്. മമ്മൂട്ടിയും അജയ് വാസുദേവ് ഒന്നിക്കുന്ന മൂന്നാമത്തെ ചിത്രമാണ് ഷൈലോക്ക് . തമിഴ് സിനിമയിലെ പ്രമുഖ താരമായ രാജ്കിരണും ചിത്രത്തിൽ വേഷമിടുന്നുണ്ട്.മീനയാണ് ചിത്രത്തിലെ നായിക.ഗോപി സുന്ദറാണ് സംഗീതം.രണദീവ് ആണ് ഛായാഗ്രഹണം.രാജാധിരാജ, മാസ്റ്റർപീസ് എന്നീ ചിത്രങ്ങൾക്ക് ശേഷം അജയ് വാസുദേവ് മമ്മൂട്ടിയെ നായകനാക്കി ഒരുക്കുന്ന ചിത്രമാണ് ഇത് .
മോഹൻലാലിന് പിറന്നാൾ ആശംസകൾ നേർന്ന് കൊണ്ട് RJ നീനു ഫേസ്ബുക്കിൽ പോസ്റ്റ് ചെയ്ത വീഡിയോ സോഷ്യൽ മീഡിയയിൽ ഏറെ വൈറലായിരുന്നു.ഏറ്റവും സന്തോഷകരമായ കാര്യം എന്തെന്നാൽ വീഡിയോ കണ്ട് മോഹൻലാൽ നീനുവിനെ ഫോണിൽ വിളിച്ച് സംസാരിച്ചു എന്നതാണ്.അതിന് ശേഷം കഴിഞ്ഞ ആഴ്ച്ച മോഹൻലാൽ ഖത്തറിൽ എത്തിയപ്പോൾ നീനുവിനെ കാണുവാൻ സമയവും നീക്കി വെച്ചു.അതിന്റെ സന്തോഷം പങ്കു വെച്ചുകൊണ്ട് നീനു പങ്കുവെച്ച ഫേസ്ബുക്ക് പോസ്റ്റ് ഇപ്പോൾ വൈറലാവുകയാണ്. പോസ്റ്റ് ചുവടെ : ഖത്തറിലേക്ക് വരുമ്പോൾ കാണാം എന്ന് പറഞ്ഞപ്പോൾ…. വെറുതെ ആയിരിക്കും… നമ്മളെയൊക്കെ കാണാൻ ഇത്ര വല്യ ആളുകൾക്കൊക്കെ സമയം കാണില്ലലോ… എന്നാലും ഒരു പരിചയവും ഇല്ലാത്ത എന്നോട് അങ്ങനെ പറഞ്ഞല്ലോ എന്നായിരുന്നു സന്തോഷം… രണ്ടര മാസം കഴിഞ്ഞു SIIMA Awards ൽ പങ്കെടുക്കാൻ ഖത്തർലേക്ക് വരുന്നു എന്നറിഞ്ഞപ്പോഴും കാണാൻ പറ്റും എന്ന് പൂർണമായി വിശ്വസിച്ചിരുന്നില്ല… ഇതിപ്പോ സ്വപ്ന സാക്ഷാത്കാരം എന്നൊക്കെ പറയില്ലേ… ആ ഒരു ആ അവസ്ഥയാ…. കുഞ്ഞിലേ മുതൽ ഹൃദയത്തിൽ കൊണ്ടുനടക്കുന്ന…
കഴിഞ്ഞവർഷത്തെ പ്രളയത്തിലെ ദുരിത ബാധിതർക്കുള്ള സഹായധനം സർക്കാർ ഇതുവരെ കൃത്യമായി വിതരണം ചെയ്തിട്ടില്ല എന്ന വിമർശനവുമായി ധർമ്മജൻ ബോൾഗാട്ടി രംഗത്തെത്തിയിരുന്നു. വിവാദ പരാമർശത്തെ അനുകൂലിച്ചും പ്രതികൂലിച്ചും നിരവധി ആളുകൾ ഇപ്പോൾ പ്രതികരിക്കുന്നുണ്ട്. ഇപ്പോൾ ഈ വിഷയത്തിൽ തന്റെ നിലപാട് വ്യക്തമാക്കുകയാണ് നടൻ ജോജു ജോർജ്. വെറും ഒരു ഹസ്യതാരം എന്നതിനപ്പുറം ഒരു മികച്ച ചിന്തകനാണ് ധർമജൻ എന്ന് ജോജു പറയുന്നു.അതിനാൽ ധർമജൻ പറഞ്ഞതിൽ എന്തെങ്കിലും കാരണങ്ങൾ കാണും.ഈ വിഷയത്തിൽ കൂടുതൽ പറയുവാൻ എനിക്ക് ഗ്രാഹ്യമില്ല,ജോജു പറയുന്നു.ഒരു സിസ്റ്റതിന്റേതായ കാലതാമസം കാണുമെന്നും ചിലപ്പോൾ ജനപ്രതിനിധികൾക്ക് പകരം വകുപ്പ് ഉദ്യോഗസ്ഥർ ആയിരിക്കാം അതിന്റെ കാരണക്കാർ എന്നും ജോജു പറയുന്നു.