Author: webadmin

ജയറാം നായകനാകുന്ന ലിയോ തദേവൂസ് ചിത്രം ലോനപ്പന്റെ മാമ്മോദീസയിലെ ‘ചങ്ങാതിയാം’ എന്ന ഗാനം പുറത്തിറങ്ങി. സ്‌കൂൾ കാലഘട്ടത്തിന്റെ പഴയ ഓർമകളിലേക്ക് കൂട്ടിക്കൊണ്ടുപോകുന്ന ഗാനത്തിന്റെ സംഗീതം നിർവഹിച്ചിരിക്കുന്നത് അൽഫോൻസ് ജോസഫാണ്. ഹരിനാരായണന്റെ വരികൾക്ക് ശബ്ദം പകർന്നിരിക്കുന്നത് ജോസഫ് അൽഫോൻസാണ്. ജയറാമിനെ കൂടാതെ ഇന്നസെന്റ്, ശാന്തി കൃഷ്‌ണ, അന്ന രാജൻ തുടങ്ങിയവർ അഭിനയിക്കുന്ന ചിത്രം ഈ വെള്ളിയാഴ്‌ച തീയറ്ററുകളിൽ എത്തും.

ഫോട്ടോഷോപ്പിന്റെ അനന്ത സാധ്യതകളിൽ ഇങ്ങനെ ഒന്നും കൂടി ഉണ്ടെന്ന് മനസ്സിലായത് ഇപ്പോഴാണ്. അത്ര ഞെട്ടിക്കുന്ന ഒരു വേർഷൻ. സെലിബ്രിറ്റീസിന്റെ കൂടെ ഫോട്ടോ എടുക്കാൻ പറ്റിയില്ലെങ്കിൽ എന്താ എല്ലാ ഫോട്ടോയിലും ഫോട്ടോഷോപ്പിലൂടെ ചെന്നെത്തിയിരിക്കുകയാണ് ഈ യുവാവ്. ഇൻസ്റ്റാഗ്രാമിൽ വൈറലായ ‘അൻസീൻ ഫ്രണ്ട്’ പ്രൊഫൈൽ ആണ് ഏവരെയും ഞെട്ടിക്കുന്നത്. അമിതാബ് ബച്ചൻ,ഷാരൂഖ് ഖൻ ,സൽമാൻ ഖാൻ ,പ്രിയങ്ക ചോപ്ര ,ദീപിക പദുകോൺ ,ആലിയ ഭട്ട് ,ജാക്ക്വിലിൻ,സച്ചിൻ തെൻഡുൽക്കർ ,വിരാട് കോഹ്‌ലി ഇവ കൂടാതെ സൈഫലി ഖാന്റെ ഒക്കത്ത് ഇരിക്കുന്ന ഫോട്ടോസ് വരെയുണ്ട് .ഫോട്ടോസ് കാണാം … View this post on Instagram Keeping up with the Starkidashians! #bffs ✌️ @suhanakhan2 @ananyapanday @shanayakapoor02 A post shared by Unseen Friend (@unseenfriend) on Jun 16, 2018 at 10:09am PDT

സ്നേഹത്തിന് കണ്ണുമില്ല, കാതുമില്ലായെന്ന് കവികൾ പറഞ്ഞുവെച്ചത് അത് അവരുടെ ജീവിതത്തിൽ നേരിട്ട് കണ്ടിട്ടുള്ളതു കൊണ്ടാകും. ഹ്യൂമൻസ് ഓഫ് ബോംബെ എന്ന ഫേസ്ബുക്ക് പേജിൽ വന്ന ഈ പോസ്റ്റും അതിന് ഒരു തെളിവാണ്. “ബാങ്കിൽ ജോലി ചെയ്തുകൊണ്ടിരുന്നപ്പോൾ എനിക്ക് അപ്രതീക്ഷിതമായാണ് ആ ഫോൺകോൾ വന്നത്. എന്റെ അമ്മയോട് സംസാരിക്കണം എന്നാണ് മറുതലയ്ക്കൽ നിന്നുള്ള ആവശ്യം. അമ്മ എന്റെയൊപ്പമില്ല, ഗ്രാമത്തിലാണ് താമസം. നിങ്ങൾക്ക് നമ്പർ തെറ്റി പോയതാകാം എന്ന് ഞാനാ പെൺകുട്ടിയോട് പറഞ്ഞു. ’ക്ഷമിക്കണം സഹോദരാ…’ എന്നുപറഞ്ഞ് അവൾ ഫോൺ കട്ട് ചെയ്തു. തിരികെ വിളിച്ച് അവളാരാണെന്ന് ഞാൻ അന്വേഷിച്ചു. ഈ സംഭവത്തിന് ശേഷം പതിനഞ്ച് ദിവസം കഴിഞ്ഞിട്ടും എനിക്കവളെ മറക്കാനായില്ല. അങ്ങനെ വീണ്ടും വിളിച്ചു, അവളെ കൂടുതൽ അടുത്തറിയാൻ ശ്രമിച്ചു. ഞങ്ങൾ എല്ലാ ദിവസവും സംസാരിച്ചു. ഒരു മാസത്തിന് ശേഷം അവളെന്നോട് പറഞ്ഞു, അധികം കാലം ഞാൻ ഫോണ്‍ ചെയ്യുമെന്ന് തോന്നുന്നില്ലെന്ന്. അവൾ അങ്ങനെ പറഞ്ഞത് എന്റെ മനസ്സിനെ അലട്ടി, പിറ്റേദിവസം എന്താണ്…

ജിസ് ജോയ് തിരക്കഥയും സംവിധാനവും നിർവഹിച്ച വിജയ് സൂപ്പറും പൗർണ്ണമിയും പ്രേക്ഷകർക്ക് നല്ലൊരു സിനിമ സമ്മാനിച്ച് പ്രദർശനം തുടരുകയാണ്. ആസിഫ് അലിയും ഐശ്വര്യ ലക്ഷ്‌മിയും നായകരായ ചിത്രം ഒരു ഫീൽ ഗുഡ് എന്റർടൈനറാണ്. അപ്രതീക്ഷിതമായി കണ്ടുമുട്ടിയ വിജയ് എന്ന യുവാവും പൗർണമി എന്ന യുവതിയും അവരുടെ സ്വപ്‌നങ്ങൾ പൂർത്തീകരിക്കുവാൻ ഒന്നായി പ്രവർത്തിക്കുന്നത് രസകരമായ രീതിയിൽ അവതരിപ്പിച്ചിരിക്കുകയാണ് ജിസ് ജോയ് ഈ ചിത്രത്തിലൂടെ. ചിത്രം കണ്ട ജനപ്രിയനായകൻ ദിലീപ് ചിത്രത്തെ കുറിച്ച് മികച്ച അഭിപ്രായമാണ് സംവിധായകൻ ജിസ് ജോയിയോട് പങ്ക് വെച്ചത്. കഴിഞ്ഞ ദിവസം ലാൽ മീഡിയയിൽ വെച്ചാണ് ഇരുവരും കണ്ടുമുട്ടിയത്.

വിജയകരമായി പ്രദർശനം തുടരുന്ന അരുൺ ഗോപി – പ്രണവ് മോഹൻലാൽ ചിത്രം ഇരുപത്തിയൊന്നാം നൂറ്റാണ്ടിലെ നജീം ഇർഷാദ് ആലപിച്ച പുതിയ ഗാനം പുറത്തിറങ്ങി. ഹരിനാരായണന്റെ വരികൾക്ക് ഈണമിട്ടിരിക്കുന്നത് ഗോപി സുന്ദറാണ്. അല്പനേരത്തേക്കാണെങ്കിൽ പോലും പ്രണവ് വെക്കുന്ന കിടിലൻ ചുവടുകൾ തന്നെയാണ് ഗാനത്തിന്റെ ഹൈ ലൈറ്റ്. പ്രണയവും സൗഹൃദവും ബന്ധങ്ങളുടെ ആഴവുമെല്ലാം ഗാനത്തിൽ ചർച്ച ചെയ്യപ്പെടുന്നുണ്ട്. മുളകുപ്പാടം ഫിലിംസിന്റെ ബാനറിൽ ടോമിച്ചൻ മുളകുപ്പാടം നിർമിച്ചിരിക്കുന്ന ഇരുപത്തിയൊന്നാം നൂറ്റാണ്ട് പ്രമേയത്തിലെ ദൃഢത കൊണ്ട് പ്രേക്ഷകരുടെ മനസ്സ് കീഴടക്കിയിരിക്കുകയാണ്. സയ ഡേവിഡ് നായികയായെത്തിയിരിക്കുന്ന ചിത്രത്തിൽ മനോജ് കെ ജയൻ, അഭിഷേക്, കലാഭവൻ ഷാജോൺ, ധർമ്മജൻ, ബിജുക്കുട്ടൻ എന്നിവരും അഭിനയിക്കുന്നു.

കണ്ടിറങ്ങിയ ഓരോരുത്തരും മികച്ച അഭിപ്രായം മാത്രം പങ്കുവെച്ച മമ്മൂട്ടി ചിത്രം പേരൻപിന് ഇന്ന് വൈകിട്ട് ചെന്നൈയിൽ വെച്ച് പ്രീമിയർ ഷോ നടത്തുന്നു. തമിഴ്‍ സിനിമ ലോകത്തെ പല പ്രമുഖരും നിരൂപകരും എത്തിച്ചേരുമെന്നാണ് അറിയുന്നത്. തമിഴിലെ നവ തലമുറ സംവിധായകരിൽ പ്രധാനിയും ദേശീയ പുരസ്‌കാര ജേതാവുമായ റാമാണ് ചിത്രത്തിന്റെ തിരക്കഥയും സംവിധാനവും. തെന്നിന്ത്യൻ താരസുന്ദരി അഞ്ജലിയാണ് നായിക. പ്രശസ്ത ട്രാൻസ്ജൻഡർ മോഡൽ അഞ്ജലി അമീറും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. അച്ഛനും മകളും തമ്മിലുള്ള ഇഷ്ടത്തിന്റെയും അതുമായി ബന്ധപ്പെടുന്ന സംഭവവികാസങ്ങളുടെയും ചിത്രം. അമുദവൻ എന്ന ടാക്സി ഡ്രൈവറായിട്ടാണ് മമ്മൂട്ടി ചിത്രത്തിൽ എത്തുന്നത്. ഫെബ്രുവരി ഒന്നിന് ചിത്രം തീയറ്ററുകളിൽ എത്തും. After star studded premiere in #Kochi, @mammukka’s @Director_Ram directed festival sensation #Peranbu to be premiered Today evening in #Chennai pic.twitter.com/76r2un84fr — Sreedhar Pillai (@sri50) January 29, 2019

ജനപ്രിയ സീരിയൽ ഉപ്പും മുളകിലെ കുഞ്ഞാവ ടെലിവിഷൻ പ്രേക്ഷകർക്ക് ഏറെ പ്രിയപ്പെട്ടതാണ്. മൊഞ്ചുള്ള ചിരിയും കുസൃതികളുമായി നിറഞ്ഞു നിൽക്കുന്ന പാറുക്കുട്ടിയെ ഉള്ളാലെ കൊഞ്ചിക്കുന്നവരാണ് കേരളത്തിലെ ഓരോ കുടുംബങ്ങളും. പ്രേക്ഷകരുടെ പ്രിയപ്പെട്ട സെലിബ്രിറ്റി കുഞ്ഞാവയുടെ ഒരു വിഡിയോ കഴിഞ്ഞ കുറച്ചു ദിവസങ്ങളായി സോഷ്യൽ മീഡിയയിൽ നിറഞ്ഞു നിൽക്കുകയാണ്. കുഞ്ഞാവയുടെ കുഞ്ഞുകുഞ്ഞു കുസൃതികളിലാണ് ഏവരുടെയും കണ്ണുടക്കിയിരിക്കുന്നത്. ആ വീഡിയോ കാണാം

സോഷ്യൽ മീഡിയ തുറന്നാൽ ഇപ്പോൾ മുഴുവനും കുട്ടൂസാണ്. പ്രിയ കുട്ടൂസ്, രജീഷ കുട്ടൂസ് അങ്ങനെ നിരവധി. അത്തരത്തിൽ ഉള്ള പുതിയ പ്രവണതയെ വിമർശിച്ച് സരിത അനുപ് എന്ന യുവതി ഫേസ്ബുക്കിൽ ഇട്ട കുറിപ്പാണ് ഇപ്പോൾ വൈറൽ. “ഫേസ്ബുകിലെ ഏറ്റവും അരോചകരമായ ഒരു ട്രെണ്ട് ആണ് ഈ കുട്ടൂസ് വിളി. ഏതൊരു രംഗത്തെയും കഴിവും പ്രാഗത്ഭ്യവും തെളിയിച്ച സ്ത്രീകളെ സൌന്ദര്യം മാത്രം നോക്കി വിളിക്കുന്ന അങ്ങേയറ്റം sexist ഏർപ്പാട്. IPS ആവട്ടെ രാഷ്ട്രീയനേതാവ് ആവട്ടെ സിനിമാനടി ആവട്ടെ ഒരു കുട്ടൂസ് വിളിയിലൂടെ അത് വരെ അവര്‍ നേടിയതൊക്കെ അവരുടെ സൗന്ദര്യത്തിന്റെ പുറകിലായി. സ്‌മൃതി മന്ദാനയെക്കുറിച്ചുള്ള ഒരു പോസ്റ്റിൽ സ്‌മൃതി കുട്ടൂസ് എന്നു സംബോധന ചെയ്ത് അഭിനന്ദിക്കുന്നത് അങ്ങേയറ്റം സെക്സിസ്റ് ഏർപ്പാടാണ്.. ഒരു നാലഞ്ചു വര്ഷമായി മലയാളികള്ക്ക് വന്ന ഒരു പൊളിറ്റിക്കല്‍ correctness syndrome ന്റെ ഭാഗമായുള്ള വിളി കൂടെയാണിത് ചിലപ്പോഴൊക്കെ… AICC spokesperson ആയ ഒരു dentist നെ കുറിച്ചുളള ചര്ച്ചയിലാണ് ഇന്ന്…

കുഞ്ചാക്കോ ബോബനെ നായകനാക്കി ബിലഹരി ഒരുക്കുന്ന അള്ള് രാമേന്ദ്രനിലെ എത്താത്ത കൊമ്പാണെടാ എന്ന അടിപൊളി ഗാനത്തിന്റെ വീഡിയോ പുറത്തിറങ്ങി. നീരജ് മാധവിന്റെ തകർപ്പൻ ഡാൻസ് തന്നെയാണ് ഗാനത്തിന്റെ ഹൈലൈറ്റ്. ഷാൻ റഹ്മാനാണ് സംഗീതം. ആഷിക് ഉസ്മാൻ പ്രൊഡക്ഷൻസിന്റെ ബാനറിൽ ആഷിക്ക് ഉസ്മാൻ നിർമിക്കുന്ന ചിത്രം ഫെബ്രുവരി ഒന്നിന് തിയറ്ററുകളിൽ എത്തും.അപർണ്ണ ബാലമുരളിയും , ചാന്ദിനി ശ്രീധരനും ചിത്രത്തിലെ നായികമാരാകുന്നു. ചിത്രം സെൻട്രൽ പിക്ച്ചേഴ്സ് തിയേറ്ററിൽ എത്തിക്കും.

ദിലീപിനെയും സിദ്ധിഖിനെയും കേന്ദ്ര കഥാപാത്രങ്ങളാക്കി വ്യാസൻ കെ പി ഒരുക്കുന്ന പുതിയ ചിത്രത്തിൽ അനു സിത്താര നായികയാകുന്നു. ചിത്രത്തിന്റെ ഷൂട്ടിങ്ങ് മാർച്ചിൽ ആരംഭിക്കും. നിരൂപക പ്രശംസ പിടിച്ചുപറ്റിയ അയാൾ ജീവിച്ചിരിപ്പുണ്ട് എന്ന ചിത്രത്തിന് ശേഷം വ്യാസൻ രചനയും സംവിധാനവും നിർവഹിക്കുന്ന ചിത്രത്തിന്റെ മറ്റു താരനിർണ്ണയം നടന്നു വരികയാണ്. ഒരു സംഭവകഥയെ ആധാരമാക്കിയാണു ഈ ചിത്രം ഒരുങ്ങുന്നത്‌. ഇതു വരെ സിനിമകളിൽ പറയാത്ത പ്രമേയമാണിതെന്നാണ് അണിയറക്കാർ തരുന്ന സൂചന. ദിലീപിന്റെയും,സിദ്ദിഖിന്റെയും അഭിനയ ജീവിതത്തിലെ വഴിത്തിരിവാകും ഈ കഥാപാത്രങ്ങളെന്നും അണിയറക്കാർ പറയുന്നു. അനു സിത്താര നായികയായ നീയും ഞാനും എന്ന ചിത്രം മികച്ച അഭിപ്രായം നേടി തീയറ്ററുകളിൽ പ്രദർശനം തുടരുകയാണ്.