പൃഥ്വിരാജ് ആദ്യമായി സംവിധാനം ചെയ്ത ലൂസിഫർ വലിയ വിജയത്തിന്റെ നെറുകയിലാണ്‌ ഇപ്പോൾ. ചിത്രം 200 കോടി കളക്ഷൻ നേടി മലയാള സിനിമയുടെ ഇൻഡസ്ട്രിയൽ ഹിറ്റ് ആയി മാറിക്കഴിഞ്ഞു.ചിത്രം ആമസോൺ പ്രൈമിൽ റിലീസ് ചെയ്തപ്പോളും വലിയ രീതിയിലുള്ള പ്രേക്ഷക പങ്കാളിത്തം ലഭിക്കുകയുണ്ടായി.ചിത്രത്തിന്റെ രണ്ടാം ഭാഗമായ എമ്പുരാൻ നേരത്തെ പ്രഖ്യാപിക്കുകയുണ്ടായി. പൃഥ്വിരാജിന്റെ പുതിയ ചിത്രമായ ബ്രദേഴ്സ് ഡേയുടെ പ്രൊമോഷൻ ഭാഗമായി മനോരമ സംഘടിപ്പിച്ച ഒരു പരിപാടിയിൽ ഒരു ആരാധിക ചോദിച്ച ചോദ്യമാണ് ഇപ്പോൾ ശ്രദ്ധ ആകർഷിക്കുന്നത്.ലൂസിഫറിലെ ‘നിന്റെ തന്ത അല്ല എന്റെ തന്ത’ എന്ന ഡയലോഗ് പ്രേക്ഷകർക്ക് വേണ്ടി ഒന്ന് ആവർത്തിക്കുമോ എന്നായിരുന്നു ആരാധികയുടെ ചോദ്യം.ഉടനെ എത്തി പൃഥ്വിരാജിന്റെ രസകരമായ മറുപടി. മോളെ അച്ഛൻ കൂടെ വന്നിട്ടുണ്ടോ എന്നായിരുന്നു പൃഥ്വിരാജ് തമാശ രൂപേണ ചോദിച്ചത്.ചിത്രത്തിലെ ഈ ഡയലോഗ് പ്രേക്ഷകർക്ക് മുന്നിൽ ഒരിക്കൽ കൂടി ആവർത്തിക്കാനും പൃഥ്വിരാജ് മടിച്ചില്ല.
Author: Webdesk
2018ലെ ഓണാഘോഷത്തിന്റെ ചിത്രങ്ങൾ ഇപ്പോൾ പങ്കു വെച്ചിരിക്കുകയാണ് നടി അസിൻ. താരത്തിന്റെ മകളുടെ ആദ്യ ഓണാഘോഷ ചിത്രമായിരുന്നു അത്. കേരള സാരിയിൽ അതീവ സുന്ദരിയായി അസിൻ പ്രത്യക്ഷപ്പെട്ടപ്പോൾ ഭർത്താവ് രാഹുൽ ശർമ കേരളീയ വേഷമായ വെള്ള മുണ്ടും ഷർട്ടുമാണ് ധരിച്ചിരിക്കുന്നത്. കുഞ്ഞു പട്ടുപാവാട അണിഞ്ഞാണ് മകൾ എത്തിയിരിക്കുന്നത്. അസിൻ വിവാഹശേഷം ഭർത്താവിനൊപ്പം ഡൽഹിയിലാണ് താമസം. ചിത്രത്തിന് താഴെ രവീണ ഠണ്ടൺ, ജയസൂര്യ, ജോജു ജോർജ്ജ് തുടങ്ങിയവർ കമന്റ് ചെയ്തിട്ടുണ്ട്. ഏവർക്കും അസിൻ ഓണാശംസകൾ നേരുകയും രവീണയ്ക്ക് അടുത്ത വർഷം ഓണസദ്യ ഉണ്ടാക്കിത്തരാമെന്ന വാഗ്ദാനം നൽകുകയും ചെയ്തു. ഹൗസ് ഫുൾ 2 ന്റെ പ്രമോഷൻ പരിപാടിയ്ക്കിടെ തമ്മിൽ പരിചയപ്പെട്ട അസിനും രാഹുലും 2016 ൽ വിവാഹിതരായി. 2017 ൽ ആണ് അവർക്കൊരു പെൺകുഞ്ഞ് പിറന്നത്.
കലാഭവന്‍ ഷാജോണ്‍ ഒരുക്കിയ ബ്രദേഴ്സ് ഡേ എന്ന ചിത്രത്തിന്റെ പ്രചാരണത്തിന്റെ ഭാഗമായി മനോരമ ഓണ്‍ലൈന്‍ സംഘടിപ്പിച്ച പ്രത്യേക പരിപാടിയിൽ ലംബോര്‍ഗിനിയില്‍ റൈഡ് തരുമോ എന്നു ചോദിച്ച് ആരാധികയ്ക്ക് രസികന്‍ മറുപടി നല്‍കി പൃഥ്വിരാജ്. കാര്‍പ്രേമിയായ സഹോദരനു വേണ്ടിയുള്ള ആരാധികയുടെ ചോദ്യത്തിന് ലംബോര്‍ഗിനിയില്‍ ഒരു റൈഡ് തരാമായിരുന്നു. പക്ഷേ, ഇപ്പോഴത്തെ കൊച്ചി റോഡിലൂടെ നിങ്ങളെ ലംബോര്‍ഗിനിയില്‍ കയറ്റി കൊണ്ടുപോയാല്‍ നിങ്ങള്‍ എന്നെ ചീത്ത വിളിക്കുമോ എന്നെനിക്ക് സംശയമുണ്ട് എന്നായിരുന്നു താരത്തിന്റെ മറുപടി. ലംബോര്‍ഗിനി എത്ര വേഗതയില്‍ ഓടിച്ചിട്ടുണ്ട് എന്ന ചോദ്യത്തിന് ഇവിടെ നിന്ന് കൊച്ചിയിലെ തന്റെ വീട്ടിലേക്ക് ഒരു ഓട്ടോറിക്ഷയ്ക്ക് എത്ര വേഗത്തില്‍ പോകാമോ അത്രയും വേഗത്തില്‍ മാത്രമേ ലംബോര്‍ഗിനിക്കും പോകാന്‍ കഴിയൂ. അതാണ് നമ്മുടെ റോഡിന്റെ അവസ്ഥയുടെ യാഥാര്‍ത്ഥ്യം എന്നും പൃഥ്വിരാജ് പറഞ്ഞു. കോടി ക്ലബ്ബിൽ കയറിയ പൃഥ്വിരാജ് സംവിധാനം ചെയ്ത ലൂസിഫറിന് ശേഷം താരം അഭിനയിക്കുന്ന ചിത്രമാണ് കലാഭവൻ ഷാജോൺ സംവിധാനം ചെയ്യുന്ന ബ്രദേഴ്സ് ഡേ. ഐശ്വര്യ ലക്ഷ്മി, പ്രയാഗമാർട്ടിൻ,…
പ്രേക്ഷകരുടെ ചോദ്യങ്ങൾക്ക് തമാശരൂപേണ മറുപടി നൽകുന്നതിൽ ശ്രദ്ധേയനായ ഒരു താരമാണ് കംപ്ലീറ്റ് ആക്ടർ മോഹൻലാൽ. പ്രതിസന്ധിയിലാഴ്‌ത്തുന്ന ചോദ്യങ്ങൾക്ക് വളരെ ലളിതമായ രീതിയിൽ ഉത്തരം നൽകിക്കൊണ്ട് കയ്യടി വാങ്ങുന്ന താരമാണ് അദ്ദേഹം. തിരുവോണദിനത്തിൽ ഫ്ലവേഴ്സ് ചാനൽ ഒരുക്കിയ പ്രോഗ്രാമിൽ കുട്ടികളോടൊപ്പം ആടിത്തിമിർത്തു കൊണ്ടിരുന്ന മോഹൻലാലിന് പ്രതിസന്ധി നിറഞ്ഞ ഒരു ചോദ്യം നേരിടേണ്ടി വന്നു. ദുൽഖർ സൽമാനെ ആണോ പ്രണവ് മോഹൻലാലിനെ ആണോ ഏറ്റവും ഇഷ്ടം എന്നതായിരുന്നു ചോദ്യം. അച്ഛനെ ആണോ അമ്മയെ ആണോ ഏറ്റവും കൂടുതൽ ഇഷ്ടം എന്ന തരത്തിലുള്ള ഒരു ചോദ്യമാണ് ഇതെന്നും കുഞ്ഞിലെ മുതൽ ഞാൻ രണ്ടാളെയും കാണുന്നതാണെന്നും രണ്ടുപേരെയും ഒരുപോലെ ഇഷ്ടമാണെന്നും മോഹൻലാൽ പറഞ്ഞു. ഒപ്പം തനിക്ക് ഏറ്റവും ഇഷ്ടം ഫഹദ് ഫാസിലിനെ ആണെന്നും താരം കൂട്ടിച്ചേർത്തു. ഒരു സാധാരണക്കാരനായ പ്രേക്ഷകൻ നടത്തുന്ന തരത്തിലുള്ള ഉത്തരമാണ് മോഹൻലാൽ നൽകിയതെന്നാണ് ഫഹദ് ഫാസിൽ ആരാധകരുടെ പക്ഷം. മറ്റു യുവതാരങ്ങളിൽ നിന്നും വ്യത്യസ്തമായി ഒട്ടേറെ പ്രതിസന്ധികളിലൂടെ മറ്റാർക്കും ചെയ്യുവാൻ കഴിയാത്ത കഥാപാത്രങ്ങൾ…
അൻവർ സാധിത് സംവിധാനം ചെയ്യുന്ന ഏറ്റവും പുതിയ ചിത്രമാണ് മനോഹരം.വിനീത് ശ്രീനിവാസൻ നായകനാകുന്ന ചിത്രത്തിന്റെ തിരക്കഥ ഒരുക്കുന്നതും സംവിധായകൻ തന്നെയാണ്.നിഥിൻ രാജ് അരോൾ ആണ് ഛായാഗ്രഹണം.സഞ്ജീവ് ടി സംഗീതം.സാമുവൽ അബിയാണ് പശ്ചാത്തല സംഗീതം.ചിത്രത്തിന്റെ ട്രെയിലർ ഇപ്പോൾ പുറത്ത് വിട്ടിരിക്കുകയാണ് അണിയറ പ്രവർത്തകർ. ചിത്രത്തിന്റെ സോങ്ങ് ടീസർ കാണാം
സൗബിൻ സാഹിർ,സുരാജ് വെഞ്ഞാറമൂട് എന്നിവർ പ്രധാന കഥാപാത്രങ്ങളെ അവതരിപ്പിക്കുന്ന പുതിയ ചിത്രമാണ് വികൃതി.നവാഗതനായ എംസി ജോസഫ് ആണ് ചിത്രം സംവിധാനം ചെയ്യുന്നത്.കട്ട് ടൂ ക്രിയേറ്റ് പിക്‌ചേഴ്‌സിന്റെ ബാനറിൽ എ. ഡി. ശ്രീകുമാർ,ഗണേഷ് മേനോൻ,ലക്ഷ്മി വാര്യർ എന്നിവർ ചേർന്നാണ് ചിത്രം നിർമ്മിക്കുന്നത്.അജീഷ് പി തോമസ് ആണ് തിരക്കഥ ഒരുക്കുന്നത്.സംഗീതം ബിജിപാൽ,ഛായാഗ്രഹണം ആൽബി.ചിത്രത്തിന്റെ ട്രയ്ലർ ഇപ്പോൾ മമ്മൂട്ടി പുറത്ത് വിട്ടിരിക്കുകയാണ്. ട്രയ്ലർ കാണാം.
മോഹൻലാൽ ജിത്തു ജോസഫ് കൂട്ടുകെട്ടിൽ ഒരുങ്ങിയ ഹിറ്റ് ചിത്രമായിരുന്നു ദൃശ്യം. റീമേക്ക് ചെയ്യപെട്ട ഭാഷകളിലെല്ലാം ചിത്രം വൻ വിജയമായിരുന്നു. മോഹൻലാലും ജിത്തുജോസഫും ഒപ്പമുള്ള ഏക ചിത്രമായിരുന്നു ദൃശ്യം എങ്കിലും ആരാധകർ വീണ്ടുമൊരു ചിത്രത്തിനായി കാത്തിരിക്കുകയാണ്. മോഹൻലാൽ എന്ന നടന് ഏറ്റവും മികച്ച രീതിയിൽ ഉപയോഗിക്കുവാൻ ജിത്തു ജോസഫ് എന്ന സംവിധായകന് സാധിക്കുമെന്ന് ദൃശ്യം എന്ന ഒറ്റ സിനിമകൊണ്ട് ഏവരും മനസ്സിലാക്കിയതാണ്. ആരാധകരുടെ കാത്തിരിപ്പിന് വിരാമമിട്ടുകൊണ്ട് പുതിയ റിപ്പോർട്ടുകൾ പുറത്ത് വന്നിരിക്കുകയാണ്. മോഹൻലാലും ജീത്തു ജോസഫും ഒന്നിക്കുന്ന ചിത്രം നവംബറിൽ ചിത്രീകരണം തുടങ്ങുമെന്നാണ് അറിയുവാൻ കഴിയുന്നത്. ഏറ്റവും കൂടുതൽ മുതൽ മുടക്കിൽ അണിയിച്ചൊരുക്കുന്ന ജിത്തുജോസഫ് ചിത്രമാണിതെന്നും ചിത്രത്തിൽ നായികയായി എത്തുന്നത് തൃഷ ആകുവാൻ ആണ് സാധ്യത.നിവിൻ പോളി നായകനായ ഹേയ് ജൂഡിലൂടെ മലയാളത്തിൽ തൃഷ അരങ്ങേറ്റം കുറിച്ചിരുന്നു.മോഹൻലാലും തൃഷയും ഒന്നിക്കുവാനായി കാത്തിരിക്കുകയാണ് ആരാധകർ.ഈ ചിത്രം നിർമ്മിക്കുന്നത് ആശിർവാദ് ഫിലിംസ് തന്നെയായിരിക്കും എന്ന് പ്രതീക്ഷിക്കുന്നു. മോഹൻലാലിന്റെ മകനായ പ്രണവ് മോഹൻലാലിന്റെ ആദ്യചിത്രമായ ആദി സംവിധാനംചെയ്തതും…
ഏറെ നാളത്തെ കാത്തിരിപ്പിന് ശേഷം തങ്ങളുടെ ഇടയിലേക്ക് ഒരു കുഞ്ഞ് അതിഥി കൂടി വന്നതിനു ശേഷമുള്ള ആദ്യത്തെ ഓണം ആഘോഷിക്കുകയാണ് കുഞ്ചാക്കോബോബനും ഭാര്യ പ്രിയ കുഞ്ചാക്കോയും. കുഞ്ഞിനൊപ്പം ഉള്ള താരത്തിന്റെയും ഭാര്യയുടെയും ചിത്രങ്ങൾ സോഷ്യൽ മീഡിയയിൽ ഇപ്പോൾ വൈറലാവുകയാണ്. ആരാധകർ സ്നേഹത്തോടെയാണ് ഈ ചിത്രങ്ങൾ ഏറ്റെടുക്കുന്നത്. എല്ലാവർക്കും സന്തോഷവും സമൃദ്ധിയും നേരുന്നു എന്നും എല്ലാവരുടെയും പ്രാർത്ഥനകൾക്കും ആശംസകൾക്കും പ്രത്യേകിച്ച് കുഞ്ഞി ഇസഹാക്ക് നന്ദി പറയുന്നു എന്നും കുഞ്ചാക്കോ ചിത്രത്തിനൊപ്പം കുറിച്ചു. 14 വർഷത്തെ കാത്തിരിപ്പിനൊടുവിൽ തങ്ങളുടെ ഇടയിലേക്ക് വന്ന ജൂനിയർ കുഞ്ചാക്കോയുടെ ചിത്രങ്ങളും വീഡിയോകളും താരം സോഷ്യൽ മീഡിയയിലൂടെ പങ്കെടുക്കാറുണ്ടായിരുന്നു. ഇസഹാക്ക് ബോബൻ കുഞ്ചാക്കോ എന്നാണ് കുഞ്ഞിന് പേരിട്ടിരിക്കുന്നത്.
പൃഥ്വിരാജ് ആദ്യമായി സംവിധാനം ചെയ്ത ലൂസിഫർ വലിയ വിജയത്തിന്റെ നെറുകയിലാണ്‌ ഇപ്പോൾ. ചിത്രം 200 കോടി കളക്ഷൻ നേടി മലയാള സിനിമയുടെ ഇൻഡസ്ട്രിയൽ ഹിറ്റ് ആയി മാറിക്കഴിഞ്ഞു.ചിത്രം ആമസോൺ പ്രൈമിൽ റിലീസ് ചെയ്തപ്പോളും വലിയ രീതിയിലുള്ള പ്രേക്ഷക പങ്കാളിത്തം ലഭിക്കുകയുണ്ടായി.ചിത്രത്തിന്റെ രണ്ടാം ഭാഗമായ എമ്പുരാൻ നേരത്തെ പ്രഖ്യാപിക്കുകയുണ്ടായി. മോഹൻലാലിന്റെ മാസ്സ് പരിവേഷം ഏറെ പ്രയോജനപ്പെടുത്തിയ ചിത്രം കൂടിയായിരുന്നു ലൂസിഫർ. ഇപ്പോൾ ലൂസിഫർ ലൊക്കേഷനിൽ വെച്ച് നടന്ന രസകരമായ ഒരു സംഭവം വെളിപ്പെടുത്തുകയാണ് ചിത്രത്തിലെ നായകൻ മോഹൻലാൽ. മോഹൻലാൽ പറഞ്ഞത് ഇങ്ങനെ: ഒരിക്കൽ ഒരു രംഗം ഷൂട്ട് ചെയ്യുന്നതിനിടയിൽ പൃഥ്വിരാജ് നമ്മുക്ക് ഒന്നുകൂടെ ചെയ്യാം ചേട്ടാ എന്ന് പറഞ്ഞു.അപ്പോൾ ഞാൻ ചോദിച്ചു എന്താ പറ്റി മോനെ എന്ന്. ഉടനെ പൃഥ്വിരാജ് പറഞ്ഞു,ചേട്ടാ,ചേട്ടൻ നടന്നപ്പോൾ ചേട്ടന്റെ തോൾ ചെരിഞ്ഞില്ല എന്ന്.ആളുകൾ നമ്മുടെ ചെരുവിനെ വരെ കാര്യമായി നോക്കിക്കാണുന്നു,മോഹൻലാൽ പറഞ്ഞു.
ആദ്യകാല ചിത്രങ്ങളിൽ നിന്നും തീർത്തും വ്യത്യസ്തമായ പ്രമേയങ്ങളിൽകൂടെയും അവതരണത്തിലൂടെയും അന്താരാഷ്ട്ര നിലവാരത്തിലുള്ള ചിത്രങ്ങൾ മലയാളിക്ക് സമ്മാനിക്കുന്ന യുവ സംവിധായകനാണ് ആഷിഖ് അബു. മഹേഷിന്റെ പ്രതികാരം, വൈറസ് തുടങ്ങിയ ചിത്രങ്ങൾ നിർമ്മിച്ച് മലയാള ഇൻഡസ്ട്രിയെ മറ്റ് ഇൻഡസ്ട്രികളിൽ നിന്നും വളരെ വ്യത്യസ്തമാക്കാൻ ആഷിഖ് അബുവിന് സാധിച്ചു. മോഹൻലാൽ എന്ന നടന്റെ നയങ്ങളോടും രാഷ്ട്രീയത്തോടും നിരവധി വിമർശനങ്ങൾ നടത്തിയിട്ടുള്ള ആഷിക് അബു തന്നെ പുലിമുരുകൻ എന്ന ചിത്രത്തെ കുറിച്ച് പുകഴ്ത്തി പറഞ്ഞു. അത് ആരാധകർ ഏറ്റെടുത്തിരിക്കുകയാണ്. “പുലിമുരുകൻ എന്ന് പറയുന്ന സിനിമ ലാലേട്ടൻ ചെയ്യുന്നത് കൊണ്ട് മാത്രമാണ് അത്ര വലിയൊരു ഹിറ്റ് ആവുന്നത് മറ്റേതൊരു ആക്ടർക്കും അതുപോലെ ചെയ്താൽ അത്രയും വലിയൊരു കളക്ഷനിലോട്ട് ചിത്രം വരില്ല. അങ്ങനെ ലാലേട്ടനെ സ്ക്രീനിൽ കാണാൻ ഇഷ്ട്ടമുള്ള ഒരു ഭൂരിപക്ഷം ആൾക്കാർ ഇവിടെയുണ്ട്. അവർ അത് എൻജോയ് ചെയ്യുന്നുടെന്നാണ് അതിന്റെ അർഥം.” ആഷിഖ് അബുവിന്റെ അഭിപ്രായം ഇങ്ങനെ ആണ്.